داوەزین کەمیگ نرخ دۆلار لە بەغداد و ئارامگردنی لە هەولێر

شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت داوەزی و لە هەرێم کوردستان  ئارامگرت.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147750 دینار عراقی وەرانوەر 100 دۆلار ئەمریکی.   

دۊکە دوشەممە، نرخ دۆلار رەسیە 147900 دینار عراقی وەرانوەر 100 دۆلار ئەمریکی.     

پەیامنێرمان وتیش؛ نرخ فرووشتن و سەنین لە دوکانەیل بەغداد دڵوەزیا، ک نرخ فرووشتن رەسیە 148250 دینار عراقی وەرانوەر 100 دۆلار ئەمریکی، و نرخ سەنینی رەسیە 147250 دینار.                  

لەهەولێر پایتەخت  هەرێم کوردستانیش نرخ دۆلار جیگیرە ، ک نرخ فروشتن رەسیە 147900 عراقی وەراوەر 100 دۆڵار ئەمریکی، و نرخ سەنینی 147700 عراقی وەرانوەر 100 دۆلار ئەمریکی.