داوەزین فرووشتنەیل بانک ناوەندی عراقی
2021-04-22T11:36:37+00:00
شەفەق نیوز/ فرووشتنەیل بانک ناوەندی عراقی لە پارەی گران، ئمڕوو پەنجشەممە، داوەزیا تا بڕەسێدە ١٩٨ ملیۆن دۆلار.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەکان ئمڕوو، داوەزینیگ لە فرووشتنەکانی وەخوەی دی، تا بڕەسێدە ١٩٨ مەلیۆن و ٣٢١ هەزار دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە چوارشەممەشەممە ک فرووشتنەکانی رەسیە ٢٠٨ مەلیۆن و ٢٤٤ هەزار دۆلار.
وتیش؛ گشت فرووشتنەیل ئەرا پاڵپشتی بنمایەکان لە دەیشت وەشیوەی هەواڵە و چەک چگن، وبانکەکان بایی ٧ مەلیۆن و ٢١٠ هەزار دۆلار وە شیوەی کاش سەنن.
پەیامنێرەگەمان ئاماژە کرد ک ٣١ بانک داواکاریەیل پاڵپشتی بنمایەگان لە دەیشت جیوەجی کردن، و ١٤ بانک داواکاریەیل کاش جیوەجی کردن.
