داوەزین فرووشتنەیل بانک ناوەندی عراقی
2021-04-25T10:09:06+00:00
شەفەق نیوز/ فرووشتنەیل بانک ناوەندی عراقی لە پارەی گران، ئمڕوو یەکشەممە، داوەزیا تا ١٨٢ ملیۆن دۆلار تۆمار بکەێد.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن پارە بیگانەکان ئمڕوو، داوەزینیگ لە فرووشتنەکانی وەخوەی دی، تا بڕەسێدە ١٨٢ مەلیۆن و ٩٨٣ هەزار و ٧٢١ دۆلار، بانکەگە وە نرخ ١٤٦٠ دینار ئەرا هەر یەک دۆلار پووشادەی، وە بەراوردی وەگەرد دوێەکە سێممەشەممە ک فرووشتنەکانی رەسیە ١٩٨ مەلیۆن و ٣٢١ هەزار دۆلار.
وتیش؛ فرووشتنەیل ئەرا پاڵپشتی بنمایەکان لە دەیشت وەشیوەی هەواڵە و چەک چگن، وبانکەکان بایی ١٩ مەلیۆن و ٦٠٠ هەزار دۆلار وە شیوەی کاش سەنن.
پەیامنێرەگەمان ئاماژە کرد ک ٣٢ بانک داواکاریەیل پاڵپشتی بنمایەگان لە دەیشت جیوەجی کردن، و ١٧ بانک داواکاریەیل کاش جیوەجی کردن.
