داوەزین فرووشتنەگان بانک ناوەندی لە دۆلار وەرێژەی ٣٩٪
2021-02-07T08:29:07+00:00
شەفەق نیوز/ فرووشتنەگان بانک ناوەندی عراقی لە پارەی گران، ئمڕوو یەکشەممە، وەگەرد وازکردن دانیشتنەیل ئی هەفتە داوەزیان، تا رەسیە ٣٢ مەلیۆن دۆلار.
پەیامنێر ئاژانس شەفەق نیوز وت: بانک ناوەندی عراقی لە بانگەشەی فرووشتن وسەنین پارە بیگانەگان، ئمڕوو داوەزین لە فرووشتنەگانی وە رێژەی ٣٩،٦٢٪ وەخوەی دی، تا رەسیە ٣٢ مەلیۆن و ٦٣٣ هەزار دۆلار، ک وەنرخ ١٤٦٠ دینار وەرانوەر یەک دۆلار داناگەی، وە بەراوردی وەگەرد پەنجشەممەی گوزەیشتە ک فرووشتنەگانی رەسیە ٥٣ مەلیۆن و ٦٠٣ هەزار دۆلار.
