داوەزین دۆلار لە بەغداد و بەرزەوبۊنی لە هەولێر
2021-09-20T07:40:17+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بۆرسەی سەرەکی بەغداد پایتەخت داوەزیا، و لە هەرێم کوردستان بەرزەو بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو، ١٤٧٢٥٠ دینار وەرانوەر ١٠٠ دۆلار ئەمریکی توومار کردن.
دۊێەکە یەکشەممە، نرخ دۆلار رەسیە ١٤٧٣٥٠ دینار عراقی.
پەیامنێرمان وتیش؛ نرخ فرووشتن و سەنین لە بازاڕە ناوخۆیەیلەی بەغداد داوەزیا، ک نرخ فرووشتن رەسیە ١٤٧٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٦٧٤٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان، نرخ دۆلار بەرزەوبۊن وەخوەی دی ک نرخ فرووشتن رەسیە ١٤٧٦٠٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٧٣٠٠ دینار وەرانوەر ١٠٠ دۆلار ئەمریکی.
