داوەزین تۊشهاتنەیل و بەرزەوبۊن مردنەیل کۆڕۆنای عراق
2021-11-18T13:44:20+00:00
شەفەق نیوز/ تاقیگەێل پزشکی لە دۊیاترین ٢٤ سەعات لە عراق، ٧٨٩ تۊشهاتن نوو وە ڤایرۆس کۆڕۆنا توومار کردن، تا گشت شمارەی تۊشهاتنەیل بڕەسێدە ٢٠٧٢٤٧٨.
وەزارەت تەندروسی و ژینگەی عراق، لە هەڵوێست رووژانەی پەتاگە وت: ١٣٤٧ بیمار لە پەتاگە خاسەو بۊین، تا گشت شمارەی خاسەوبۊیەیلە بڕەسێدە ٢٠٣٠٠٨٨.
هەمیش ٢٧ بیمار لە ماوەی ٢٤ سەعات گوزەیشتە، لەوەر پەتاگە مردن، تا گشت شمارەی مردنەیلە بوودە ٢٣٦٠٧.
