داوەزیان وەرچەویگ.. وای باکوور تیژی گەرمیەگە شکنێد
2024-06-23T14:35:15+00:00
شەفەق نیوز/ شارەزای کەشناسی عەلی جابر زیادی، ئمڕوو یەکشەممە، دووپات کرد لە داوەزیان وەرچەویگ لە پلەی گەرمی و کۆتایی هاتن وە شەپوول پەنجا پلەی سەدی، لەوە هەڵکردن وای باکووری هوونک، لە سوو دووشەممەو، لە وەختیگ دووپات کرد کە دیار نییە وەی نزیکە شەپوول گەرمی نوویگ باێد.
زیادی ئەرا ئاژانس شەفەق نیوز وت: شکیان گەرمیەگە لە سوو دووشەممەو لە فرەی پارێزگایل وڵات دەسوەپی کەێد، لەوەر هەڵکردن وای باکووری هوونکیگ لەی رووژەیل بانانە گورجەو بوود، و پلەی پەنجاگان ئەرا نزیک ٤٥ داوەزێد لە بەغداد پایتەخت و شارەیل ناوڕاس و پارێزگایل فورات ناوڕاس.
زیادی وتیش: پلەی گەرمی لە ناوچەیل خوەرئاوا و باکوور وڵات لەوە کەمترەو بوود، و دیاری کرد کە پارێزگای بەسرە ٤٩ پلەی سەدی توومار کەێد، و ئەرا رووژ سێشەممە هەمیش داوەزێد.
زیادی دیاری کرد کە کەشوهەوای تاوسان وە ئاسایی مینێد وە رووژ گەرمە وەلێ لەو رووژەیل گوزەشتە خاسترە، وتیش: گەرمیەگە تا کۆتایی ئی مانگە بانوخوار کەمیگ کەێد، و لە سەرتای مانگ تەمووز داوەزیانیگ ترەک هەس، و نشانەیل شەپوول گەرمی سەختیگ لەی دە رووژ بانانە دیار نییە.
