داوەزیان نرخ دۆلار وەگەرد بەسیان بۆرسەی بەغداد و هەولێر
2023-07-06T15:09:04+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو پەنجشەممە، وەگەرد بۆرسەی سەرەکی بەغداد و لە هەولێر پایتەخت هەرێم، زیاتر لە هەزار دینار داوەزیا.
پەیامنێر ئاژانس شەفەق نیوز وت؛ بۆرسەی سەرەکی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٧٦٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٤٨٨٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، ک نرخ فرووشتن ١٠٠ دۆلار ئەمریکی رەسیە ١٤٨٥٠٠ دینار عراقی، و نرخ سەنینی رەسیە ١٤٦٥٠٠ دینار عراقی.
لە هەولێر پایتەخت هەرێم کوردستان، نرخ دۆلار ئەمریکی هەمیش وەگەرد بەسیان بۆرسە داوەزیان توومار کرد ک نرخ فرووشتن ١٠٠ دۆلار ئەمریکی رەسیە ١٤٧٥٢٥ دینار عراقی، و نرخ سەنینی رەسیە ١٤٧٤٧٥ دینار عراقی.
