داوەزیان نرخ دۆلار لە بەغداد و لە هەولێر
![داوەزیان نرخ دۆلار لە بەغداد و لە هەولێر](https://media.shafaq.com/media/arcella/1708762257743.jpg)
2024-02-24T08:11:15+00:00
شەفەق نيوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت و لە هەولێر داوەزیا.
پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 151950 دینار عراقی وەرانوەر 100 دۆلار ئەمریکی. رووژ پەنجشەممە، نرخ دۆلار رەسیە 152300 دینار عراقی وەرانوەر 100 دۆلار ئەمریکی.
پەیامنێرمان وتیش؛ نرخ فرووشتن و سەنین لە دوکانەیل بەغداد رەسیە 153000 دینار عراقی وەرانوەر 100 دۆلار ئەمریکی، و نرخ سەنینی رەسیە 151000 دینار.
لەهەولێر پایتەخت هەرێم کوردستانیش نرخ دۆلار داوەزیان وەخوەیدی، کە نرخ فروشتن رەسیە 151850 عراقی وەراوەر 100 دۆڵار ئەمریکی، و نرخ سەنینی 151550 عراقی وەرانوەر 100 دۆلار ئەمریکی.