داوەزیان کەمیگ نرخ دۆلار وەگەرد بەسیان بۆرسەی بەغداد و هەولێر
2024-03-17T14:36:38+00:00
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، وەگەرد بەسیان بۆرسەی بەغداد پایتەخت و هەولێر پایتەخت هەرێم کوردستان وەشیوەی کەمیگ داوەزیا.
پەیامنێر ئاژانس شەفەق نیوز وت: بۆرسەی سەرەکی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٩٨٥٠ دینار عراقی وەرانوەر ١٠٠ دۆلار ئەمریکی دەرەیلیان بەسان.
شەوەکی ئمڕوو، نرخ ١٠٠ دۆلار ئەمریکی رەسیە ١٤٩٩٥٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد داوەزیا، کە نرخ فرووشتن ١٠٠ دۆلار ئەمریکی رەسیە ١٥٠٧٥٠ دینار عراقی، و نرخ سەنینی رەسیە ١٤٨٧٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە داوەزیا، کە نرخ فرووشتن ١٠٠ دۆلار ئەمریکی رەسیە ١٤٩٨٠٠ دینار عراقی، و نرخ سەنینی رەسیە ١٤٩٧٠٠ دینار عراقی.
