داوا ئه‌كريه‌ێد قه‌ته‌ر بخريه‌ێده ژير چه‌وديرى رينمايى ناوده‌وڵه‌تى
2015-09-07T08:07:06+00:00
نسه‌يف له به‌ياننامه‌يگ ئه‌را(شه‌فه‌ق نيوز)وت: قه‌ته‌ر وه‌شيوه‌يگ ئاشكرا و وه‌بى شه‌رمكردن كۆنگره‌ى سێ لايه‌ن له گرووپه‌يل داعش گرته خوه‌ى ك سياسى و ئاسايشى و سه‌ربازى بوى و يه‌يش ماناى ئه‌وه‌سه قه‌ته‌ر ئمڕوو وه‌شيوه‌يگ بى ئاوڕويانه پشتگيرى ترۆر ئه‌كا له عراق.
نسه‌يف هه‌ميش وت: وه‌گووره‌ى ده‌سكه‌فتن زانياريه‌يل جه‌خت له‌وه ئه‌كريه‌ێد ك قه‌ته‌ر راسه‌وخۆ پويل له‌بان سه‌ركرده‌و نوێنه‌ره‌يل گرووپه‌يل ترۆريستى دابه‌ش كردگه، ك يه‌يش ماناى ته‌مويلكردن ئه‌و ريكخرياگ ترۆريستيه‌سه‌و يه‌يش تومه‌تيگ تاوانكاريه‌و شايسته‌ى سزاى ناوده‌وڵه‌تيه.
