داهات نەفتی گه‌ورایه‌گ ئاشکرا کریا ك لە بوودجە تۆمار نێکریەێد
شەفەق نیوز/ دەسەی کارو باوەتە کۆمەڵایەتیەگان له په‌رله‌مان عراق ، ئمڕوو یەکشەممە، ئاشکرای داهاتەیل نەفتی كرد ک لەناو پڕۆژە یاسای بوودجە گشتیەگە تۆمار نێەکریەێد ، وئاماژەد ا ک داهاتەگەی لە ٦ ملیارد دۆلار لە ساڵیگ رەدکەێد.
فازڵ فەتلاوی ئەندام دەسەگە ئەرا ئاژانس شەفەق نیوز وت: حکومەتەگە بەرهەمە نەفتیەگان لەناو داهات بوودجە گشتیەگە تۆمار نەکردگە، ک ئەگەر تۆمار بکریاد وەنە توێەنستیاد هاوکار یویاتایمن لە خاسەوکردن پەککەفتن دارایی لە پڕۆژەی بوودجەگە.
وتیش؛ داهات بەرهەمەیل نەفتی ئەوەگ کۆمپانیای بەرهەمە نەفتیەگان فروشێدەی لەڕی وێستگەگان ئەرا هاووڵاتیەیل لە ٦ ملیار لە ساڵیگ رەد کەێد.
فەتلاوی هەمیش وت: بایەسە ئەنجومەن وەزیرەیل بۆچون رونیگ لەداهاتەگان بیاشتاد ک تۆمار نێەکریەێد، ونێەچوودە ناو بوودجە گشتیەگە. هه‌میس پرسیار لە چارەنووس ئەو پویلەیلە وچگنی وەرەو نادیاری کرد ؟
ئاماژەیە ک لەوەخت بڵاوبوی ڤایڕۆس کۆڕۆنا ، نرخ نەفت داوەزیا ، ک بویە مەترسی لە کارەگەری داوەزیانەگە وکەمی داهاتەگان لەبان بوودجەی عراق ئەرا ساڵ ٢٠٢٠ ، ك کارەگەره له‌بان بوودجە و مووچەیل فەرمانبەرەیل و خانەنیشینەیل. وجوور ئەنجامیگ ئەرا ئەوە، دەسەی دارایی پەڕلەمانی، مەزەنەی پەککەفتن لە بوودجەی ئی ساڵ وڵاتەگە وە ٦٩ ترلیۆن دینار عراقی کردن، ک وه پەککەفتنیگ بی وینە ناوی بردن.
