داعش و تاڵبان كه‌فتنه‌سە گیان یەكتری
2015-05-25T16:04:44+00:00
وتەبێژ سوپاێ ئەفغانستان، وە ئاژانس (خامە پرێس) وڵاتەگەێ وتگە: شەو گوزه‌يشته جه‌نگ له‌ناوبه‌ێن چەكداره‌یل هه‌ردو رێكخرياێ تيرۆريستی داعش و جمشت تاڵبان لەولایەت (فراه) لەنزیك سنورەیل ئيران ڕويداس.
وتیش: لەو ده‌رگيريه‌يله لايه‌ن كەم 20 كەس لەیەكتری كوشتنە، هەميش چەكداره‌يل تاڵبان 12 ئەندام رێكخرياێ داعش دەسگیر كردنە ك 4یان ژنن.
وتەبێژ سوپاێ ئەفغانی، جه‌ختيش كردەو: بەڵگەنامە كه‌فتيه‌سه ده‌سيان ك ئەو دو رێكخريايە جهاد دژ یەكتری ئعلان كردنە، هەميش لەی مانگە يە سێیەم جارە جه‌نگ لەناوبه‌ێنیان روی بيه‌ێد و وه‌رجله يه‌یش 3 سەركردەێ تاڵبان لەو جه‌نگه‌يله كوشيانه.
