داعش پەلامار ئاواییگ دەێد لە دیالە

شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە کوشیان یەک مەدەنی و زەخمداری ٦ کەس، وە پەلاماریگ لەلایەن ریخریاگ داعش لە دەورگرد ناحیەی سەلام.

سەرچەوەگە ئەرا ئاژانس شەفەق نیوز وت: ئەندامەیل داعش لە دەورگرد ئاوای تەحویلە دزە کردن، و پەلامار ئاوای "سەید" دان، وە چەک سووک و ناوڕاس.   

وتیش: پەلامارەگە بویە هووکار کوشیان کەسیگ وزەخمداری شەش کەس لە خەڵک ئاوایەگە ژنیگ هاناویان، و پەلاماردەرەیل پەنا وە وایین بردن، وتیش: هیزیگ ئەمنی روی وەرەو شوین رویداوەگە کردن، ودەسکردنە هەڵمەتیگ وە مینەکردن.