چەکدارەیلیگ چنە ناو کۆمپانیایگ چینی لە بەغداد و نزیکەی 500 ملیۆن دینار لەلی دزن
شەفەق نیوز/ سەرچەوەیگ لە پۆلیس ناوخوەیی، ئمڕوو چوارشەممە، خەوەردا کۆمپانیایگ چینی رویوەروی کردەوەیگ دزیکردن بویە لە ناوچەی مەنسور لە بەغداد.
سەرچەوەگە وە ئاژانس شەفەق نیوز وت، هێزە ئەمنیەیل خەوەردارکریان لە رویداویگ دزیکردن وەبان ماڵیگ لەناوچەی مەنسوور جادەی ئەمیرات لە خوەرئاوای بەغداد.
وتیش وەپای قسەی خاوەن ئەو ماڵەی کە جویر کۆمپانیای (بور جاينا چینی) وەکارهاوریاس کە ئەو جویر وەڕێوەبەر لە لق عراق کارکەێد، بڕ ب300 - 500 مليۆن دينار عراقی، چەکیگ لە جویر M4، ماشینیگ لە جویر "كاديلاك" دزیاگە.
سەرچەوەگە دیاریکرد، لێکۆڵینەوە لە رویداوەگە وازکریاس وەدویاچگن ئەرا کامیرەیل کرێد ئەرا زانین چۆنیەتی رویداوەگە.
یە دویەم کردەوەی دزیکردنە لە بەغداد روی بدەێد لەماوەی چەن ساعەت کەمیگ، کە خاوەن ماشینیگ رویوەروی دزیکردن چەکداری بوی لەبان ری قەنات جەێش لە بەغداد.
سەرچەوەیگ ئەمنی لە بەغداد وە ئاژانس شەفەق نیوز وت، رویداوەگە هەنای رویدا کۆمە چەکداریگ نەناسریاگ ریگری لە ماشینیگ مەدەنی کردنە و وساننەسێ لەبان ری قەنات جەیش، لە دویای رویوەڕوی بوینەوە وەگەرد خاوەن ماشینەگە، چەکدارەیل تەقە لە ماشینەگە کردنە، بڕە پویلیگ
32 مليۆن دينار عراقی لەلی دزینە.
