چەکدارەیلیگ چنە ناو ماڵ پزشکیگ لە نەجەف و دەیان مەلیۆن دزن
2021-04-23T08:48:56+00:00
شەفەق نیوز/ سەرچەوەیگ ئەمنی لە پارێزگای نەجەف، ئمڕوو جمعە، خەوەردا ک نەناسریاگەیلیگ دەیان مەلیۆن لەناوڕاس یەکیگ لە گەڕەکەیل پارێزگاگە دزی کردن.
سەرچەوەگە ئەرا ئاژانس شەفەق نیوز وت: دزیکردنەگە لە ناوچەی حەی سەعەد لەناوڕاس نەجەف جیوەجی کریا، و ٦٠ مەلیۆن دینار عراقی دزیا، وتیش؛ دزیکردنەگە لەناو ماڵ یەکیگ لە پزشکەیل بویە، و خوەی لەمەوقەی دزیکردنەگە لەماڵ نەویە.
سەرچەوەگە وتیش؛ دزەیل لە دویای جیوەجیکردن کار خوەیان، وەرەو شوون نادیاریگ واین.
