چەکدارەیلیگ دەس نەنە بان مۆبایلەیل خوەنەوارەیلیگ لە دیالە

شەفەق نیوز/ سەرچەوەیگ ئەمنی لە پارێزگای دیالە، ئمڕوو شەممە، خەوەردا ک چەکدارەیلیگ نەناسریاگ، دەس نانە بان مۆبایلەیل خوەنەوارەیلیگ هەنای لەناو یەکیگ لە باخیەل باکوور خوەرهەڵات بەعقوبە بوینە تا وانەی خوەیان بخوەنن.

سەرچەوەگە ئەرا ئاژانس شەفەق نیوز وت: چەکدارەیلیگ دەمپیچیاگ، دویەشەو لە وەخت دیریگ، چینەسە ناو ژووریگ لەناو یەکیگ لە باخەیل ئاوای سراجق لە ناحیەی سەلام، ک ٥ خوەنەوار لەناوی بوینە، ک هەر رووژیگ وەیەکەو لەو شوینە گردەو بوون، تا کتاویان بخوەنن.

سەرچەوەگە وتیش: چوکداریل ناچار ئەو پەنج گەنجە کردنە مۆبایلەیلیان بیەنە دەس، ک هەر مۆبایلەیگ نرخەگەی لە یەک مەلیۆن دینار زیاترە، و دەرەگە لەبانیان بەسانە و واینە، وتیش: هیزەیل ئەمنی لێکۆڵینەوە لە رویداوەگە واز کردن، و کەفتنەسە مینەی ئەو کەسەیلە.