دارایی عراق ئاشکرای داهاتەیل تەشرین یەکەم کەێد
2020-10-22T14:00:23+00:00
شەفەق نیوز/ دارایی عراق، ئمڕوو پەنجشەممە، دووپاتکرد ک خوەی هالە چەوەڕی رەدکردن یاسای قەرزکردنە لە پەرلەمان، تا خەرج مووچەی فەرمانبەرەیل وڵاتەگە بکەێد.
وەزارەت دارایی خەوەردا ئاژانس شەفەق نیوز ک داهاتە نەفتی و نانەفتیەگان ئەرا مانگ تەشرین یەکەم لە چوار تیریلۆن رەد کەێد، لەوەختیگ مانگانە شەش تریلیۆن و ٥٠٠ ملیار دینار خوازیمن ئەرا خەرج مووچەی فەرمانبەرەیل و خانەنشینەگان و سوودمەنەیل لە چەودیری کۆمەڵایەتی.
وتیش؛ ئیمە چەوەڕی پەرلەمان عراقی کەێمن تا بڕیار یاسای پرەوکرن پەککەفتنە داراییەگە بکەێد تا دەسەڵات یاسایی ئەرا قەرزکردن لە بانگە ناوخۆیی ودەیشتەکیەگان بەێدە پیمان و وەردەوامبوین خەرج مووچەی فەرمانبەرەیل لە مەوقەی دیاریکریاگ خوەی.
