دارایی پەرلەمان: فراکسیۆنە شیعەگان یەکلاکردنەوەی بەش هەرێم لە بوودجەگە رەت کەن
شەفەق نیوز/ دەسەی دارایی لە پەرلەمان، ئمڕوو یەکشەممە، دووپات کرد لە وەردەوامی گفتوگۆەگان و دانووستانە سیاسیەگان ئەرا یەکلاکردنەوەی بەش هەرێم کوردستان لە یاسای بوودجەگە، و ئاماژە کرد ک فراکسیۆنە شیعەگان هیمان یەکلاکردنەوەی بەش هەرێم رەت کەن.
جەمال کۆچەر ئەندام دەسەگە ئەرا ئاژانس شەفەق نیوز وت: دەسەی دارایی لە پەرلەمان لە ماوەی گوزەیشتە توێنست گشت گرفت و ناکۆکیەگان ک پەیوەندی وە یاسای بوودجەی گشتی ئەرا ساڵ ٢٠٢١ دیرن چارەسەر بکەێد، بیجگە بەش هەرێم کوردستان.
وتیش؛ فراکسیۆنە شیعەگان هیمان یەکلاکردنەوەی بەش هەرێم کوردستان لە بوودجەگە رەت کەن، و تا ئیسە شیوەی نوویگ لە جیای ئەو شیوە ک هالە یاسای بوودجەگە نەهاوردنە.
کۆچەر دیاری کرد ک گفتوگۆەگان و دانووستانە سیاسیەگان لەناوبەین فراکسیۆنەگان و شاندە کوردیەگە هیمان وەردووامن، وە ئومید یەکلاکردنەوەی بەش هەرێم کوردستان لەی هەفتە.
