دارایی پەرلەمان بیزارە لە وەزارەتێگ : پویل هاژیر دەسی و مووچە نادا
شەفەق نیوز/ دەسەی دارایی لە پەرلەمان، چوارشەممە، بیزاری خوەی لە رەوش وەزارەت دارایی نشاندا، و توومەتی کرد وە هاوکاری نەکردن.
ئەحمەد سەفار بڕیارکار دەسەگە ئەرا ئاژانس شەفەق نیوز وت: دەسەی دارایی لە پەرلەمان هیچ لە رەوش حکومەتەگە نێەزانێد، و پەیوەندی وە وەرپرسەیل لە وەزارەت دارایی کەێد وەبی وەڵامداین، وئاماژەکرد ک وەرپرسەیل وەزارەتەگە پەتای کۆڕۆنا وە نەوەسانن دانیشتنەگان پەرلەمان وەکارتیەرن.
وتیش؛ دویای رەزامەنی پەرلەمان لە یاسای قەرزکردن ناوخۆیی ودەیشتەکی ئەرا پڕەوکردن پەککەفتن داراییەگەی ساڵ ٢٠٢٠، بایەسە حکومەت به‌رنامه‌ی چاکسازیەگە لە ماوەی ٦٠ رووژ ئامادە بکەێد و رەوانەی بکەێدە ئەنجومەن نوێنەران، و دووپاتکرد ک پەرلەمان ئەرا جاریگ تر هیچ یاسای قەرزکردنیگ واژوو نێکەێد.
سەفار هەمیش وت: دیرکەفتن مەرقەز و خەرج مووچەی فەرمانبەرەیل هیچ دەسپیچگیگ نەیرێد، وەتایبەت دویای دابینکردن پویل و دووپاتکردن بانک ناوەندی لە دابینکردن مووچەی سێ مانگ.
سەفار سەرسامی خوەی شاندا لە رەوانەکردن فەرمانیگ ئەرا بانکە حکومەتیەگان وە وسانن هەواڵەکردن و چەوەڕی رینمای نوویگ ئەرا خەرجکردن مووچەیل بوون.
