دادگای نەجەف بڕیار زیندانیکردن ئەندام ئەنجوومەن پارێزگا ئەکرەم شەربە ئەرا 4 مانگ دەێد وە داوایگ لە پارێزگارەو
شەفەق نیوز - نەجەف
دادگای نەجەف، ئمڕوو چوارشەممە، بڕیاریگ وە زیندانیکردن ئەرا چوار مانگ لەبان ئەندام ئەنجوومەن پارێزگا ئەکرەم شەربە دەرکرد، وەپشتبەسین وە داوایگ کە پارێزگار نەجەف یوسف کناوی لەبانی تووماری کردگە.
سەرچەوەیگ دادوەری ئەرا ئاژانس شەفەق نیوز وت، کە ئەو فەرمانە کە لەبان شەربە دەرچۊە دۊای داوایگ ناوزڕانن هات کە پارێزگارەگە تووماری کردگە، و پەیوەندی دیریێد وە بانگەشەیل شەربە لەباوەت فرووشتن پارچە زەۊیگ لە شار نەجەف وە بایی 10 هەزار دینار ئەرا یەک مەتر لە بەرژەوەنی "رەوت حیکمەی نیشتمانی" کە عەممار حەکیم سەرۆکایەتیی کەێد.
سەرچەوەگە دیاری کرد، کە بڕیارەگە وەپەی مادەی 431 لە یاسای سزایەیل عراقی کارپیکریاگ دەرچگە.
مادەی 431 دەق لەبان ئەوە دەێد کە: سزای زیندانیکردن وەبان هەر کەسیگ هەڕەشە لە یەکیگ ترەک بکەێد وە ئەنجامداین تاوانیگ لە دژ خوەی یا ماڵی، یا لە دژ گیان یا ماڵ کەسیگ ترەک، یا وە پاڵداین باوەتەیلیگ کە زیان وە شەرەف یا پێگە بڕەسنێد یا ئاشکراکردنیان.
