دادگای فیدراڵی باڵا خەرجکردن ٧٠ ملیار دینار ئەرا نویسینگەی سەرۆک وەزیرەیل وسنێد

شەفەق نیوز/ دادگای فیدراڵی باڵا، ئمڕوو دووشەممە، فەرمایگ وە وسانن خەرج ٧٠ ملیار دینار دەرکرد، ک لەناو یاسای پاڵپشتیکردن فریایی ئەرا ئاسایش خوەراک و ئەوزەڵکردن ئەرا نویسینگەی سەرۆک وەزیرەیل تەرخان کریاگە.

دادگاگە لە بەیاننامەیگ رەسیە ئاژانس شەفەق نیوز وت: فەرمان شمارەی ( ٣١/فیدراڵی/ فەرمان وەلائی/٢٠٢٢) وە وسانن خەرج ئەو پویلە ک ئەرا نویسینگەی سەرۆک وەزیرەیل وەگورەی بڕیار ئەنجومەن وەزیرەیل شمارە (٢٢٦ ئەرا ساڵ ٢٠٢٢) ک رەسێدە ٧٠ ملیار دینار،  تا یەکلاوەکردن سکاڵای شمارە ٢٢٨/ فیدراڵی / ٢٠٢٢) ئەرا رەتکردن ئەو بڕیارە.