سەرۆک پارێزەرەیل عراقی ئەحلام لامی راگەیان، بەشداری لە دانیشتن دادگایکردن دۆسیەی کوشتن "موسا" کردیە کە کاریگەری دروسکرد لەبان رای گشت عراقیەیل.

نوسینگەی راگەیانن لامی لە زوانی ئەو راگەیان، بڕیار دادگا وەپای "بڕگەیل مادەی 410/یەکەم، لەیاسای سزادان عراقی دەرچگە.

جی باسە لەمادەی 410 یاسای سزادان عراقی هاتیە،  " هەرکەسیگ وە لێدان، زەخمداریکردن،  تونوتیژی، یان کاریگ تونوتیژی دەسدرویژی بەکەێدە بان هەر کەسیگ، ئەو کەسەیش لە ئەنجام بمرێد، هەرچەن ئەو کەسە نیاز کوشتنی نەیاشتیە، سزادریەێد وە زیندانیکردنیگ کە ماوەی 15 ساڵ زیاتر نەود"، ئەگەر سەلمانن کە کوشتنەگە پیشوەختە پیلان ئەرای دانریایە یان کارمەن حکومەت بوی و لەوەخت کارکردنی پەلامار دریاوێد و کوشیاوێد، سزای زیندانیەگەی ئەرا ماوەی 20ساڵ زیارتر نەود.

تاوانبارەگە" ئەسرا جەنابی" ژن باوگ مناڵەگەس، وەشیوەی دڕندانە پەلاماری دایە تا دویا هەناسەیل مردنی، هەنای باوگە لەماڵ نەویە لە بەغدای پایتەخت.