دادگای عراقی سزای لە 10 ساڵ زیندانیکردن ئەرا سێ پاکستانی دەرکرد وە توومەت رفانن و ئازارداین
2023-10-04T08:27:12+00:00
شەفەق نیوز/ دادگای تاوانەیل ناوەندی لە سەرۆکایەتی دادگای پێداچوینەوەی بەغدا رەسافە، ئمڕوو چوارشەممە، سزای دە ساڵ زیندانیکردن دەرکرد ئەرا سێ پاکستانی کە کارەیل رفانن و ئازارداین کەسەیلیگ ئەنجام دانە کە خاوەن هەمان رەگەزنامەن.
ناوەن راگەیان دادگای باڵا راگەیان " سێ پاکستانیەگە دان وە تاوانەگەیان دانانە و که وینە و ڤیدیۆی رفیاگەیل گردنە مەوقەی ئازاردانیان ئەرا کەسوکارەیلیان لە پاکستان کلیکردنە ئەرا وەرگردن بڕە پویلیگ لەوەرانوەر ئازادکردنیان".
دیاریکرد " سزاگە وەپای بڕگە مادەیل 1/وەپای مادەی 6 / چوارەم و هەفتەم لە یاسای بازرگانیکردن وە ئایەم شمارە 28 ساڵ 2012 وە بەڵگە مادەیل 47 و48 و49 لە یاسای سزادان هاتیە".
