دادگای عراق سزای زیندانیکردن هەمیشەیی دەرکرد ئەرا سێ "تیرۆرست" سەر وە "دەسەی ئازادکردن زیندانیەیل"

شەفەق نیوز/ ئەنجومەن دادگای باڵا، ئمڕوو چوارشەممە، خەوەردا دادگای تاوانەیل ناوەندی سێ سزای زیندانیکردن هەمیشەیی دەرکرد ئەرا سێ "تیرۆرست" کە سەر وە "دەسەی ئازادکردن زیندانییەلن" سەر وە رێکخریاگ داعش.

ئەنجومەنەگە لە بەیاننامەیگ وت: "سێ تیرۆرستەگە دان وە تاوانەیلیان دانانە کە سەر وە دەسەی ئازادکردن زیندانیەیلن ناو زیندانن  کە سزادریانە وە تاوانەیل تیرۆرستی وە مدوو ئەوەگ لەدویای تەواوکردن سزاگەیان لە تاوانەیل تیرۆرستی  زیندانیەیل دوارە ئامادەبکەن و گلیەوبیەن ئەرا پەیوەنیکردن وە داعش لەدویای دەرچگنیان لە زیندان".

وەپای بەیاننامەگە، سزاگە وەپای بڕگە مادەی چوار /1  دەرکریاس وە بەڵگە مادەی دویەم /3 لەیاسای بەڕەنگاربوین تیرۆر شمارە 13 ساڵ 2005 وەگەرد بەڵگەی بڕگە مادەیل 

 132 / 1 لەیاسای سزادان.