دادوەری عراق ریکارە یاساییەگان دژوە هەر کەسیگ بوودە هووکار زەرەد لە ئابووری بەێد
شەفەق نیوز/ ئەنجومەن دادوەری باڵا ، ئمڕوو چوارشەممە، فەرمان داگە دادگایل لێکۆڵینەوە ئەرا بردن ریکارە یاساییەگان دژوە هەرکەسیگ بویە هووکار زەرد وە ئابووری نیشتمانی چ لە بازرگانەیل پویل بیگانە یا ئەو بازرگانەیە ک چشت و خواردەمەنیەگان و ئەوگ رووژانە خەڵک پێویستیی دیرێد گیر تێرن.
ئەنجومەنەگە لە بەیاننامەیگ ئمڕوو داوا لە وەزارت ناوخۆ کرد فەرمان بیەێدە وەڕێوبەرایەتیەل پۆلیس ک وەوە تایبەتن دەس بکەنە هەڵمەتەیلیگ وەشکین ئەرا دوکانەیل کۆفرووشتن و شوونەیل فرووشتن پویل بیگانە ئەرا گردن پێشێلکارەگان.
بەیاننامەگە ئاماژە کرد ک دادگای لێکۆڵینەوەی تایبەت وە دژە پویل شووردن لە چەن رووژیگەو دەسکردە لێکۆڵینەوە لەباوەت بانگەشەی فرووشتن پویل بیگانە و پێشێلکارەیل بەشیگ لە بانکەگان ک تایبەتن وە بەشداری لە بانگەشەی فرووشتن پویل بیگانە.
دادوەرە پسپۆرەگە وت: لێکۆڵینەوەگە رەسیە قۆناغیەیلیگ پێشکەفتگ ئاشکرای کارەیلیگ نا یاسایی و خەڵەتانن و دەسکاری کرد ئەرا بەشداربوین لە بانگەشەی پویل فرووشتن و قاچاخکردن پویل بیگانە وەرەو دەیشت وڵاتەگە.
