خەوەر بەدیگ ئەرا فەرمانبەرەیل لە عراق.. قەیران مووچە لە دویرەو دیارە
![خەوەر بەدیگ ئەرا فەرمانبەرەیل لە عراق.. قەیران مووچە لە دویرەو دیارە](https://arcellabucket.fra1.cdn.digitaloceanspaces.com/media/arcella/1725701130657.jpg)
شەفەق نیوز/ نەبیل ئەلمەرسومی شارەزای ئابووری عراقی، ئمڕوو شەممە، دووپات کرد کە داوەزیان نرخ بەرمیل نەفت عراق ئەرا 70 دۆلار کاریگەری بەد گەورە لەبان ئابووری نیشتمانی دیرێد.
مەرسومی، لە قسەیلی ئەرا ئاژانس شەفەق نیوز وت: داوەزیان نرخ نەفت، وەگەرد داوەزیان هەناردەی نەفت ئەرا سێ ملیۆن و 300 هەزار بەرمیل لە رووژیگ، بوودە مدوو کەمەوبوین داهات مانگانەی نەفت ئەرا 9 ترلیۆن دینار.
وتیش: لەو داهاتەیلە یەک ترلیۆن دینار ئەرا دابینکردن خەرج کۆمپانیایل مووڵەت نەفت دیاری کریەێد، تەنیا 8 ترلیۆن دینار ئەرا دابینکردن مووچه وە شیوەیل جیاجیایلی مینێدەو، که مانگانه 7.5 ترلیۆن دیناری چوود.
دیاری کرد کە نیم ترلیۆن دینار ئەرا دابینکردن پویل خوازینەیل کارت بەشەخوەراکی تەرخان کریەێد، و ئەو خەرجییەیل کارکردن و بەرهەمهاوردن لە داهات کەم نا نەفتی دابین کریەێد، یەیش بیجگە لە قەرز ناوخوەیی و دەرەکی.
مەرسومی مەزەنەی ئەوە کرد کە باج و رسوماتەیل بەرزەو بوون و قەرزەیل زیادبکەن و یەدەگ دەرەکی لە بانک ناوەندی عراق تویش زوور فرەیگ تیەن، لە نەوین سندوقیگ سەروەری لە عراق.
ئاشکرا کرد کە هاتێ لە ماوەی دوو مانگ ئایندە وەزارەت دارایی بکەفێدە گیچەڵ لە دابینکردن مووچەی فەرمانبەرەیل، کە هاتی یەیش بوودە مدوو دویاکەوتن یا کەمکردن مووچە ئەگەر نرخ بەرمیلیگ لە مەودای هەفتا دۆلار تا ماوەی شەش مانگ وەردەوام بوود.
هەفتەی گوزەشتە نەوتی خام قورس و خام مامناوەندی بەسرە، هەفتانە زیانیگ وەرچەو توومار کرد، کە نرخیان وە ریژەی 7.90% و 7.60% داوەزیا.