خۆپیشاندانەکان ئەرا لاوردن حکومەت خۆجێی و سزادان بکوشەیل ناڕەزایل لە دیوانیە نووەو بوون
2021-03-06T14:10:35+00:00
شەفەق نیوز/ سەرچەوەیگ ئەمنی لە دیوانیە، ئمڕوو شەممە، خەوەر لە وەردەوامبوین ناڕەزایەتیەکان ئەرا چوارەم رووژ لە شوون یەک وە داوای لاوردن حکومەت خۆجێی و ئاشکراکردن بکوشەیل خۆپیشاندەرەکان.
سەرچەوەگە ئەرا ئاژانس شەفەق نیوز وت: خۆپیشاندەرەکان لە وەردەم بینای حکومەت خۆجێی لەناوڕاس شار دیوانیە گردەو بوین، و داوای لاوردن پارێزگار و ئاشکراکردن بکوشەیل خۆپیشاندەرەکان کردن، و مەرەقەزکردن ناڕەزاکان ک زیندان کریانە.
و ئاماژە کرد ک خۆپیشاندەرەکان ژمارەیگ لە ریەکان وە تایەر سزیاگ بڕین، و هێزە ئەمنیەکان دەورگرد بینای حکومەتە خۆجێییەکە ئەرا ریگری لە خۆپیشاندەرەکان گردن.
