خوەیکوشتن وە سێدارە لەلایەن دوو گەنج لە دیالە و زیقار
شەفەق نیوز/ سەرچەوەیگ ئەمنی لە دیالە، ئمڕوو سێشەممە، خەوەردا لە خوەیکوشتن گەنجیگ بیس ساڵان وە سێدارە لە دیالە، و هەمیش خوەیکوشتنیگ هاوشیوە لە پارێزگای زیقار تۆمار کریا.
سەرچەوەگە خەوەردا ئاژانس شەفەق نیوز ک گەنجیگ لە دەرچگەیل زانکۆ، لە قەزای خاڵس لە پارێزگای دیالە خوەی وەسێدارە دا، وەبی زانستن هووکارەیل خوەیکوشتنەگە.
سەرچەوەگە وتیش: دەسەڵاتە ئەمنیەگان لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو، و کەسوکارەیل قوربانیەگە دووپات کردن ک ژیان لە گرفتەیل و ئاڵووزی دەروینی وەخوەی دیاد، هەرچەن وەی دویاییە مارە بڕیە.
هەمیش دەسەڵاتە ئەمنیەگان لە پارێزگای زیقار، ئمڕوو سێشەممە، خوەیکوشتن نوویگ لە پارێزگاگە تۆمار کردن.
سەرچەوەگە ئەرا ئاژانس شەفەق نیوز وت: هێزە ئەمنیەگان خوەیکوشتن گەنجیگ وە سێدارە لەناو ماڵەگەی لە قەزای رفاعی لە باکوور شار ناسریە ناوەند پارێزگاگە تۆمار کردن، و ئاماژە کرد ک قوربانیەگە لە داڵگبوی ساڵ ٢٠٠٩.
سەرچەوەگە دیاری کرد ک خاوەنەیل قوربانیەگە وتن گوایە کوڕەگەیان لە ناو ماڵەگە وە پەت بازی کردگە، و ئاماژە کرد ک هێزە ئەمنیەگان تەرمەگە ئەرا پزشک دادوەری بردن ئەرا تەواوکردن ریکارە یاساییەگانی.
