خوەیکوشتن ژنیگ لە دیالە و کوشیان ژنیگ ترەک لە کەرکوک
2024-07-07T11:40:42+00:00
شەفەق نیوز/ دوو سەرچەوەی پزشکی و ناوخوەیی، ئمڕوو یەکشەممە، خەوەردان لە خوەیکوشتن ژنیگ لە دیالە، و کوشیان ژنیگ ترەک لە کەرکوک، دویای کەفتن ماشینیگ وەناو پڕۆژەی ئاو، کە دوو کەس لەناوی رزگار کریان.
یەکیگ لە سەرچەوەیل ئەرا ئاژانس شەفەق نیوز وت: ماشینیگ مەدەنی هن یەکێک لە خیزانەیل خەڵک ئاواییگ لە داقوق، کەفتە ناو پرۆژەی ئاو کەرکوک، کە لە دەس رانندە دەرچگ، و بویە هوکار کوشیان داڵگەگە و زەخمداری باوگ و کوڕەگە کە خەڵکەگە رزگاریان کردن.
لە دیالە، سەرچەوەگە دیاری کرد کە ژنیگ لە ناحیەی عەبارە، نەفت رەشانیەسە مل خوەی و خوەی سزانیە.
