خوەیکوشتن ژنیگ...سێیەم رویداو لەی جویرە لەماوەی چەن ساعاتیگ لە دیالە
![خوەیکوشتن ژنیگ...سێیەم رویداو لەی جویرە لەماوەی چەن ساعاتیگ لە دیالە](https://media.shafaq.com/media/arcella/1654871873667.jpg)
2022-06-10T14:39:08+00:00
شەفەق نیوز/ سەرچەوەیگ ئەمنی خەوەردا لە خوەیکوشتن ژنیگ وە خنکانن خوەی لە قەزای خانەقین ک سێیەم رویداوە ئمڕوو جومعە لە دیالە توومار بکریەێد.
سەرچەوەگە وە ئاژانس شەفەق نیوز وت، ژن هاوسەرداریگ ک خاوەن دوو مناڵ بوی لە ناوچەی حەمیدیە لە قەزای خانەقین وە هووکار نادیاریگ خوەی کوشتیە، وئەگەر گرفت کۆمەڵایەتی هالە پشتی.
سەرچەوەگە وتیش، تەرم قوربانیەگە ئەرا پزیشک یاسایی لە خانقین کلکریایە و دەسڵاتدارەیل ئەمنی لێکۆڵینەوە لە رویداوەگە وازکردیە.