خوەیکوشتن گەنجیگ و کوشتن وسزانن گەنجیگتر لە سەڵاحەدین
شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە کوشیان گەنجیگ خەڵک قەزای سامەڕا و سزیان تەرمەگەی وەشیوەی نادیاریگ مەوقەی سەردان کەسوکاری لە بەغداد، لەوەختیگ گەنجیگ خەڵک قەزای دجێل خوەی کوشت.
سەرچەوەگە ئەرا ئاژانس شەفەق نیوز وت: گەنجیگ خەڵک قەزای سامەڕا لە تەمەن ١٧ ساڵان، تەرمەگەی لە ناوچەی غەزالیە وە سزیاگ پەیا کریایە.
سەرچەوەگە دیاری کرد ک گەنجەگە وەگەرد میمگی ومامەی نیشتیە، دویای جیاوەبوین باوگ و داڵگی، و چیەسە سەردان کەسوکاری لە ناوچەی غەزالیە، وتیش؛ کەسوکاری لە سامەڕا ئاگادار کریانە ک تەرم کوڕەگە وە کوشیاگ وسزیاگ پەیا کریایە، ک تا ئیسە شیوە وهووکارەیلە نادیارە.
وتیش: تەرم گەنجەگە دریا دەس ئەسوکارەیلی، و دەزگا ئەمنیەیلە لێکۆڵینەوە لە رویداوەگە واز کردن.
هەمیش لە سەڵاحەدین، سەرچەوەیگ ئەمنی خەوەردا لە خوەیکوشتن گەنجیگ وە سێدارە چوینکە لە سێەی ناوەندی کەفتید و زوور دروینی لەبانی بویە.
سەرچەوەگە ئەرا ئاژانس شەفەق نیوز وت: گەنجیگ لە پۆل سێەی ناوەندی لە ناوچەی حەی عەسکەری لە قەزای دجێل خوەی دادە سێدارە و خوەی کوشت، لەوەر ئەو زوور وبارەیل دروینیە ک لەدویای دەرچگن ئەنجامەیل سێەی ناوەندی و کەفتنی لە پۆلەگە لەبانی بویە.
وتیش: دەسەڵاتەیل ئەمنی لێکۆڵینەوە لە رویداوەگە واز کردن.
