خوەیکوشتن گەنجیگ لە خوەرهەڵات کەرکوک و کوشیان کارمەنیگ لە "سەحوە" وە کارەبا لە دیالە

شەفەق نیوز- کەرکوک/ دیالە

سەرچەوەیگ پزیشکی لە کەرکوک، ئمڕوو جمعە، خەوەر دا لە خوەیکوشتن گەنجیگ "وە هەڵواسین خوەی" وە مدوو رەوشەیل سەخت ژیان، لە وەختیگ کارمەنیگ لە "سەحوە" وە مدوو تەزیان کارەبا گیان لە دەسدا.

 سەرچەوەگە ئەرا ئاژانس شەفەق نیوز وت، کە ئەو گەنجە کە خوەی کوشتیە تەمەنی 24 ساڵە و کاسبکارە و لەناو ماڵەگەی لە یەکیگ لەو ناوچەیلە کە کەفتنەسە خوەرهەڵات شار کەرکوک خوەی دادە سێدارە.

دیاری کرد کە لایەنە پەیوەندیدارەیل رەسینە شوون رۊداوەگە و دەس کردن وە رێکارە بنەڕەتیەیل ئەرا کەفتن و شۊن هۊردەکاریەیلی و رەسین وە بندروس رویداوەگە.

 سەرچەوەگە هەمیش وت کە زانیاریە سەرەتاییەیل دیاری کەن کە گەنجەگە لەماوەی گوزەشتە وەناو رەوشەیل سەخت ژیان رەد بۊە، لە ناوەینیان کێشەیل دارایی و قەرزەیل، و دیاری کرد کە ئی زانیاریەیلە هێمان لەچوارچیوەی زانیاریە سەرەتاییەیلن و نیشانەی ئەنجام کووتایی لێکۆڵینەوەگە نیین.

 دیاری کرد کە لایەنە پەیوەندیدارەیل رێکارە یاساییەیل گردنەسە وەر، لە وەختیگ هەڵسوکەفت وەرد تەرمەگە کریا وەپای رێکارەیل تەندروسی و یاساییە پەسەنکریاگەیل، هاوەخت وەرد تەواوکردن لێکۆڵینەوەیل و گردەوکردن زانیاریەیل لە کەسوکار گەنجەگە و نزیکەیلی.

 دووپات کرد کە دیاریکردن مدوو کووتایی ئەرا گیانلەدەسدانەگە و هۊردەکاریەیل رۊداوەگە وە تایبەتمەنی لایەنەیل لێکۆڵینەوەیی و پزیشکییە پەیوەندیدارەیل مینێد، دۊای تەواوکردن وەشکینەیل و رێکارەیل یاسایی.