خوەیکوشتن پۆلیسیگ لە وەخت ئەرکەگەی لە خوەرهەڵات بەغداد

شەفەق نیوز/ سەرچەوەیگ ئەمنی، ئمڕوو شەممە، خەوەردا لە خوەیکوشتن پۆلیسیگ لە وەخت جیوەجیکردن ئەرکەگەی لە خوەرهەڵات بەغدای پایتەخت.

سەرچەوەگە وە ئاژانس شەفەق نیوز وت، "ئەندامیگ فریاکەفتن لە شار سەدر خویکوشتیە لەری تەقەکردن لە خوەی لەناو وتاق پاسەوانەیل لە چوارچمگ شار سەدر، وەبی ئەوەی هووکاری بزانرێد".

دیاریکرد "لەوەر گومانەیل لێکۆڵینەوە لە رویداوەگە وازکەن".