خوەیکوشتن ئەفسەریگ لەناو بارەگای فەرماندەیی ئۆپراسیۆنەیل نەینەوا

شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە ئەفسەریگ وە پلەی نەقیب، لەناو ژوورەگەی خوەی لەناو بارەگای فەرماندەیی ئۆپراسیۆنەیل نەینەوا، وە چەگەگەی خوەی کوشت.

سەرچەوەگە ئەرا ئاژانس شەفەق نیوز وت: لە ساعەت دیریگ دویەشەو، ئەفسەریگ تەقە لە خوەی کرد، و شەوەکی ئمڕوو، دویای شکانن دەر ژوورەگەی وە مردگی پەیا کریا.

 وتیش: لە لێکۆڵینەوە دەرکەفت کە گولە داگە لە سینەی و لە پشتیەو دەرچگە، و هیمان مدووەیل خوەیکوشتنی نادیارە.