خوەیکوشتن دویەتیگ لە بەغداد و دەسکیرکردن ٥ توومەتبار وە کوشتن لە کەرکوک
2024-06-12T14:51:58+00:00
شەفەق نیوز/ سەرچەوەیگ ئەمنی لە بەغداد، ئمڕوو چوارشەممە، خەوەردا لە خوەیکوشتن دویەتیگ، لە وەختیگ راننکەی ماشین فریاکەفتن وە رویداویگ هاتوچو گیانی لەدەسدا، و پولیس کابرایگ وە مردگی لەناو شوقەگەی پەیا کرد، و لە کەرکوک، پولیس کەسەیلیگ توومەتبار دەسگیرکەێد دوو کەس وە تلانن کوشتنە.
سەرچەوەگە ئەرا ئاژانس شەفەق نیوز وت، دویەتیگ لەداڵگ ساڵ 2011 وە لەچک شار لەناو ژوور ماڵەکەی لە ناوچەی نەهرەوان لە بەغداد پایتەخت خوەی کوشت.
سەرچەوەگە وتیش: پولیس کابرایگ وە مردگی لەناو شوقەگەی پەیا کرد، لە ناوچەی ئەمین لە بەغداد، و دیاری کرد کە ئەو کابرا زگوردیە و خوەی تەنیا هاناو ماڵگەی و بیمارە.
وتیش: ماتووڕسکڵیگ لە جادەی زەورل وەرەو ناوچەی عەلاوی پلیا، کە بویە هوکار زەخمداری خاوەنی، و مەوقەی بردنی ئەرا خەسەخانە گیانی لەدەسدا.
لە رویداویگ ترەک، سەرچەوەگە وت: ماشینیگ فریاکەفتن سەروە تەندروسی کەرخر لە جادەی دۆرە پلیار و رانندەگەی زەخمدار بوی.
لە کەرکوک، پولیس لە بەیاننامەیگ رەسیە ئاژانس شەفەق نیوز وت: پەنج کەس دەسگیر کرگە دوو کەس وە تلیان ماشین کوشتنە لە قەزای حەویجە، لەبان پویل مرافەیان بویە، و دریانە دەس لایەنەیل پەیوەندیدار.
