خوەیکوشتن دوو گەنج لە خوسەی خوەیکوشتن هاوڕیەگەیان لە زیقار
2024-04-22T08:13:50+00:00
شەفەق نیوز/ سەرچەوەیگ ئەمنی لە زیقار باشوور عراق، ئمڕوو دووشەممە، خەوەردا لە توومارکردن دوو پسای خوەیکوشتن لە باشوور شار ناسڕیە ناوەن پارێزگاگە.
سەرچەوەگە وە ئاژانس شەفەق نیوز وت، "قەزای سوق شیوخ لە باشوور پارێزگای زیقار شەوەکی ئمڕوو دوو پسای خوەیکوشتن توومارکرد، یەکیگیان گەنجیگ 15 ساڵانە" وتیش "خوەیهەڵواسیە لەناو ماڵ خوەیان لە ناوچەی کویچەی عەسکەری دەسوەجی بویەسە هووکار مردنی".
وتیش، "دویەم خوەیکوشتن چوودەو ئەرا گەنجیگ خوەی زەخمدارکردیە، باوجی تەقەلاگەی سەرکەفتی نەوی، کەسوکاری توەنستنە قورتاری بکەن و ئەرا خەسخانە کلیبکەن".
سەرچەوەگە وتیش "هەردووگ گەنجەگە کە پەنا ئەرا خوەیکوشتن بردنە لە خوسەی هاوڕیەگەیان بویە، کە وەرجە دوو رووژ لەهەمان ناوچە خوەی کوشت".
