خوه‌ينيشانداين له به‌سره ريكخرياو له نزيك باره‌گاى پۆليس زيقاريش ته‌قه كريا
2019-11-30T10:41:44+00:00
شه‌فه‌ق نيوز/ ده‌ه‌سه‌ى مامۆستايه‌يل كۆليژ په‌روه‌رده‌ى وه‌رزشى و زانسته‌يل وه‌رزشى له زانكۆى به‌سره، خوه‌ينيشانداينيگ ناڕه‌زايه‌تى دژ مامڵه‌كردن هيزه‌يل ئه‌منى وه‌ل خوه‌ينيشانده‌ره‌يل له هه‌ردوگ پاريزگاى زيقار و نه‌جه‌ف ريكخستن.
له‌و باوه‌تيشه‌و ريپێوان وه‌ره‌و مه‌يدان مانگرتن له جبه‌يله ئه‌نجام دريا ئه‌را ئدانه‌كردن مه‌سه‌له‌ى كوشتن خوه‌ينيشانده‌ره‌يل له زيقار و نه‌جه‌ف، ك له‌تى خوه‌ينيشانده‌ره‌يل داوا كردن حكومه‌ت ئالشت بكريه‌ێد و لێپرسينه‌وه وه‌ل ئه‌وانه‌گ بكريه‌ێد خوين عراقيه‌يل رشاننه.
يه‌يش له‌وه‌ختيگه سه‌رچه‌وه‌يگ ئاگادار ئاشكراى ئه‌وه كرد له نزيك باره‌گاى سه‌ركردايه‌تى پۆليس زيقار ته‌قه كرياگه.
