خورما بڕین گیان کوڕیگ لە دیالە سینێد
2023-10-14T11:53:14+00:00
شەفەق نیوز/ سەرچەوەیگ ئەمنی لە دیالە، ئمڕوو شەممە، خەوەردا لە کوشیان کوڕیگ لە ئەنجام کەفتنی لە بەرزی دارەخورمایگ لە دەورگرد قەزای خاڵس.
سەرچەوەگە ئەرا ئاژانس شەفەق نیوز وت: کوڕیگ لە تەمەن ١٥ ساڵان گیانی لەدەسدا، دویای کەفتنی لەبان دارەخورمای بەرزیگ لە ئاوای (نەحویلە) لە دەورگرد قەزای خاڵس، لە وەرز خورمابڕین.
وتیش؛ دەزگایل ئەمنی رەسینە شوین رویداوەگە، و لێکۆڵینەوە واز کردن، و تەرم قوربانیەگە ئەرا پزشک دادوەری بریا.
جی باسە کە وەرز خورمابڕین لە تەشرین یەکەم دەسوەپی کەێد تا تەشرین دویەم.
