پەکخستن دەوام فەرمی ئەرا دوو رووژ لە عراق
2023-08-29T13:22:39+00:00
شەفەق نیوز/ ئەنجومەن وەزیرەیل عراق، بڕیار پەکخستن دەوام فەرمی ئەرا رووژویل چوارشەممە و پەنجشەممە لە هەفتەی ئایندە دا.
نویسینگەی راگەیانن سەرۆک وەزیرەیل لە بەیاننامەیگ رەسیە ئاژانس شەفەق نیوز وت: ئەنجومەن بڕیار پەکخستن دەوام فەرمی ئەرا رووژویل چوارشەممە و پەنجشەممە لە هەفتەی ئایندە دا، کە کەفێدە ٦ و ٧ ئەیلوول، ئەوەیش وەبوونەی زیارەت چلەی ئیمام حسێن.
وەگورەی بەیاننامەگە، ئەنجومەن وەزیرەیل رووژ یەکشەممەی ئایندە دیاری کرد ئەرا ئەنجامدان دانیشتن یاسایی ئەنجومەن وەزیرەیل.
