خاوەن خوازینە تایبەتەیل لە وەردەم بینای پارێزگای سلێمانی گردەو بوون
شەفەق نیوز/ دەیان لە خاوەن خوازینە تایبەتەیل لە وەردەم بینای پارێزگای سلێمانی گردەو بوین، ئەرا داوای خاسەوکردن رەوشەیل ژیان و گوزەرانییان و وەرگردن شایستەیل دارایی ئەرا رووژەیل جەژن.
سامان حسێن سکرتێر یەکێتی کەمئەندامەیل کوردستان ئەرا ئاژانس شەفەق نیوز وت: ئمڕوو مانگ کردیمن تا چشتیگ ئەرا جەژن وەربگریمن و دەسمیەتی ئەرا خاوەن خوازینە تایبەتەیل بیەێکن ک لەوەر رەوشەیل سەخنتیان زیان وەخوەیان دوینن و توانای جیوەجیکردن خوازینەیل رووژانەی خوەیان نەیرن، لەوەر کەمی ئەو مووچەیلە ک وەپیان رەسێد لە ١٠٠ - ١٥٠ هەزار دینار ک خوەی بەش خەرج یەک مانگ نێکەێد، و داوا لە وەرپرسەیل کەیمن دەسەسمیەتی لە رووژەیل جەژن وەپیمان بیەن، چوینکە سەدان وەرەو یەکێتیەگە نیەن و توانا نەیریمن هیچ دەسمیەتییگ وەپیان بەیمن.
حسێن وتیش؛ ئمڕوو دەیان کەس مانگ گردن وەلێ هەزاران لە کەمئەندامەیل هانە شوێنیان ک هیچ داراییگ نەیرن
لەلای خوەییش، هەڤاڵ ئەبو بەکر پارێزگار سلێمانی لە چەوپیکەفتن مانگگرەیلە وت: ئیمە پشتگیری لە داواکاکریایەلدان کەیمن و ئەوەسا کار ئەرا پاڵپشتیکردنی کەیمن و دەس کەێمنە هەڵمەت دابەشکردن هاوکاریەیل خواردەمەنی و پویلی ئەرا ئی جەژنە لە بازرگانەیل و خاوەن کۆمپانیایلە و تکایە ئی مانگکردنە بشوینین و ئەرا ماڵەیلدان گلەو بخوەین.
