خانەقین هووکارەیل قەیران سوتەمەنی ئاشکرا کەێد
شەفەق نیوز/ ئیدارەی قەزای خانەقین، ئمڕوو دووشەممە، ئاشکرای قەیران تەنگ سوتەمەنی کرد ک شارەگە یە ماوەیگە وەخوەی دۊینێد، و داوای چارەسەری حکومەتی کرد ئەرا کۆتایی هاوردن وە قەیرانەگە.
دلێر حەسەن سایە، قایمقام خانەقین ئەرا ئاژانس شەفەق نیوز وت: هووکار قەیران سوتەمەنیەگە خوەی بەرزەوبۊن نرخ بانزینە لە هەرێم کوردستان، ک هیشت ناوچەیل کوردستان نزیک لە دیالە بان لە خانەقین بانزین بکەن، ئەوەیش وەگەرد کەمی ئەو بانزینە ک لە دیالە وەرەو خانەقین تیاێد.
و دیاری کرد ک خانەقین لەبان داواکردنە فرەگە وە دریژی ساڵەیل گوزەیشتە تەنیا یەک بانزینخانەی حکومەتی دیرێد،
وەگەرد زیاتر لە ١٠ بانزینخانەی تایبەت، وتیش: ئەو بڕەیل سوتەمەنیە ک لە دیالە تیەن تەنیا ئەرا سێ بانزینخانە بەش کەێد.
سایە داوای زیادکردن بڕەیل سوتەمەنی ئەرا خانەقین کرد تاکۆتایی وەی قەیرانە باێد ک زەرد رەسانە بەرژەوەندی ژیان هاووڵاتییەیلە خ هەرچەن کارتەیل سوتەمەنی لەلایەن ڤەرمانگەی بەرهەمە نەفتیەیلە وەخاتر نواگردن قەیرانەگە بەشەو کریا، باوجی ئامانجەگە وەدەس ناورد.
