خام بەسرە زیاتر لە 3 دۆلار لە دەسدەێد وەگەرد داوەزیان جەهانی

شەفەق نیوز/ نرخ خام "قورس و ناوڕاس" بەسرە، ئمڕوو پەنجشەممە، زیاتر لە  5% داوەزیا، و کاریگەربوی وە کاردانەوەیل باج دانان گومرگی ئمریکا وەبان کۆمپانیا بازرگانیەیل، کە رخداری وەبان داوەزیان گەشەی ئابووری جەهان دروسکردیە.

لە داتایەیل دەرچگە خام قورس بەسرە وە بڕ  3.29 دۆلار داوەزیایە کە یەکسانە وە  5.50%، رەسیە 56.49 دۆلار ئەرا هەر بەرمیلیگ.

 خام ناوڕاس بەسرەش وە بڕ  3.29 دۆلار یا وە رێژە  5.24%داوەزیا و رەسیە  59.54 دۆلار ئەرا هەر بەرمیلیگ.

داوەزیا نرخ خام بەسرە چوودەو ئەرا داوەزیان نرخ نەفت جەهانی لە ماوەی چەن رووژ کۆتاییە، کە باجەیل گومرکیەیلە سەرۆک ئەمریکا دۆناڵد ترامپ چەسپانیاسێ وەبان کۆمپانیایەیل بازرگانیکەر  وەرد ئەمریکا  بویەسە مدوو رخداری لە داوەزیان ئاست گەشەی ئابووری جەهانی و کاردانەوەی وەبان مزەنەیل داواکاری نەفت، وەرد یەیش، بڕیار رێکخریاگ ئۆپک وە گلەوداین بڕیگ لە بەرهەمەیلی ئەرا ناو بازاڕ  دو دڵیەگان لەی باوەتە زیاترەو کرد.

ئمڕوو خام برنت  64.71 دۆلار بوی، و خام خوەرئاوای تەکساس ئەمریکا   61.70 دۆلار.