خام بەسرە دەسکەفت هەفتانە توومارکەێد

شەفەق نیوز ـ بەغدا

هەردوو خامەیل بەسرە دەسکەفت هەفتانە وەدەسهاوردن، سەرەرا لە کۆتایی هەفتە نرخ نەفت لە جەهان داوەزیان وەخوەی دی.

خام قورس بەسرە لە کۆتا دانشتنی لە رووژ دویکە جومعە بڕ 1.80 داوەزیا و رەسیە  69.28 دۆلار، دەسکەفت هەفتانەی  1.85 دۆلار بوی کە یەکسانە وە  2.75%.

هەمیش خام بەسرە لە کۆتا دانشتنی 1.80 دۆلار داوەزیا، لە  72.33 دۆلار جیگیربوی، باوجی دەسکەفت هەفتانەی رەسە  1.85 دۆلار وە رێژەی 2.62%.

نرخ نەفت  جەهانی لە وەخت یەکلاییکردن داوەزیان وەخوەی دی، لەوەختیگ کە چەوەڕێ زیایبوینی    بەرهەمهێنان ئۆپێک و کاریگەرییە ئەگەرییەیل باج نوو ئەمریکا، کە توەنێد چالاکییە ئابوورییەیل بشوینێد و خواست جەهان وزە کەمبکەێد.

نەفت خام برێنت هەفتانە نزیکەی 4.9% بەرزەوبوین توومارکرد، لەوەختیگ نەفت خام خوەرئاوا تەکساس ئینتەرمیدێت وە رێژەی 6.4% بەرزەوبویە.