حکومەت عراق لەبان کوشیان هاووڵاتی ئەمریکی لە بەغداد تیەێدە دەنگ
![حکومەت عراق لەبان کوشیان هاووڵاتی ئەمریکی لە بەغداد تیەێدە دەنگ](https://media.shafaq.com/media/arcella/1667914717912.jpeg)
شەفەق نیوز/ وەزارەت دەرەوەی عراق، ئمڕوو سێشەممە راگەیان چەودیاری رویداو کوشتن هاووڵاتییگ ئەمریکی وەدەس چەکدارەیلیگ دویەکە لە بەغداد پایتەخت کەیمن.
وەزارەتەگە لە بەیاننامەیگ باس هاوخەمیی وەرد خانەوادەی هاووڵاتیە ئەمریکیەگە وەی رویداوە کرد.
دووپات لە چەودیاریکردن کار لێکۆڵینەوە وەرد لایەنەیل ئەمنی بەغداد کرد، ئەرا ئاشکراکردن بندروس رویداوەگە و تا تاوانکارەیل هەواڵەی دادگا بکریەن وسزای خوەیان بوەن.
دویەکە دووشەممە، چەکدارەیلیگ نەناسریاگ تەقە لە ماشینیگ مەدەنی لەناوڕاس بەغداد پایتەخت کردن.
سەرچەوەگە ئەرا ئاژانس شەفەق نیوز وت: پەلاماریگ چەکدار ماشینیگ مەدەنی کردە ئامانج کەسیگ ئەمریکی لەناوی بوی، ئەوەیش لە جادەی سناعەی ناوڕاس بەغداد.
سەرچەوەگە وتیش: پەلامارەگە بویە هووکار زەخمداری سەختیگ لەلای کابرای ئەمریکی، و لە خەسخانە گیانی لەدەسدا.