حەشد نیشانەی کەمەوبوینیگ لە چالاکیەیل داعش لە سنوورەگە وەگەرد هەرێم کەێد
2021-01-14T09:51:43+00:00
شەفەق نیوز/ فەرماندەی حەشد شەعبی- تەوەر باکوور، ئمڕوو پەنجشەممە، خەوەردا لە کەمەوبوین چالاکی ریخریاگ داعش لە ناوچە سنووریەگان ناوبەین هەرێم کوردستان و پارێزگایل سەڵاحەدین و کەرکوک.
عەلی هاشم حسێنی قسەکەر وەناو تەوەرەگە ئەرا ئاژانس شەفەق نیوز وت: گشت ناوچە سنووریەگان لەناوبەین کەرکوک و سەڵاحەدین و سنوور کوردستان هانە ژیر کۆنتڕۆڵ و هیچ هەسییگ یا هاتنەوەیگ ئەرا ئەندامەیل داعش نییە، و دووپات کرد ک هێزەبل ئەمن و حەشد کەفنە شوون لانە و حەشارگەگان لە گشت ناوچە سەخت و دویرەگان.
و دیاری کرد ک فرە لە رووداوە ئەمنیەگان لەوەر مینەگان لە جیماگەیل جەنگی داعش لەماوەی ساڵەیل ٢٠١٥- ٢٠١٦ بوون، و ریخریاگەیل چەکدار داعش توانای دووارە رێکخستن خوەیان یا بیناکردن حەشارگەیل نوویگ لەناوبەین پارێزگا سەختەگان نەیرن.
