حەشد شەعبی وەرپرس ئیداری داعش دەسگیر کەێد
شەفەق نیوز/ دەزگای حەشد شەعبی، ئمڕوو دووشەممە، دەسگیرکردن وەرپرس ئیداری لە ویلایەت باکوور لە ریخریاگ داعش لە باکوور بەغداد راگەیان.
وەڕێەوبەرایەتی ئاسایش حەشد شەعبی لە بەیاننامیگ رەسیە ئاژانس شەفەق نیوز وت : لەئەنجام خەسەوکرد تەقەلای هەواڵگری و دویای رەسین زانیاریەیل هۊردیگ، وەڕێەوبەرایەتی ئاسایش و دسپلین(دەزگای لێکۆڵینەوە و ئاسایش مقەیەتیکردن) لە دەزگای حەشد شەعبی لە بەغداد پایتەخت، ئۆپراسیۆنیگ جیاواز سەرکەفتن لە دەسگیرکردن یەکیگ لە ئەندامەیل ریخریاگ داعش تیرۆریست وەجی هاورد، ک ئەو تیرۆریستە هالە ویلایەت باکوور بەغداد، و پۆست وەرپرس ئیداری دیرێد، و دیاری کرد ک ئەو ئۆپراسیۆنە وە مووڵەت دادوەری جیوەجی کریا.
وەڕێەوبەرایەتیەگە وتیش " ریکارەیل یاسایی لەبانی جیوەجی کریا، و فەرمان زیندانکردن هەتایی وەگورەی مادەی چوار تیرۆر لەبانی دریا.
