حەشد شەعبی لە دیالە شکست وەپەلاماریگ لە داعش هاورد

شەفەق نیوز/ لیوای ١١٠ ی حەشد شەعبی- کورد فەیلی، راگەیان لە شکستهاوردن وە پەلاماریگ لە داعش، خاڵەیلیگ ئەمنی کردە ئامانج لە باکوور خوەرهەڵات دیالە. لیوا عەلی عقابی وەرپرس راگەیانن جەنگی ئەرا ئاژانس شەفەق نیوز وت: ٤ کەس لە داعش پەلامار خاڵیگ ئەمنی سەروە لیواگە دان لە ئاوای عەساکرە لە باشوور ناحیەی سەعدیە، و هێزەیل لیواگە نوایانگردن و ناچاریان کردن بوان و تا روبەر دووریگ کەفتنە شوونیان. وئاماژەدا؛ هێزەیل لیواگە هەڵمەت وەشکنین لە دەورگرد ئاوای عەساکرە ئەنجامدان و پارێزبەندی خاڵە ئەمنیەگانیان کردن وە پاڵپشتی زیای، ئەرا ئەگەر هەر پەلامار تیرۆریستیگ تر.