حكومه‌ت نه‌جه‌ف ئه‌و شوونه ديارى كرد ته‌ياره بى ته‌ياره‌وانه‌گه له‌ليه‌و هاتگه
2019-12-07T19:50:18+00:00
شه‌فه‌ق نيوز/ حكومه‌ت ناوچه‌يى له نه‌جه‌ف, وت: ئه‌و ته‌ياره‌ى بى ته‌ياره‌وانه ك ماڵه‌گه‌ێ موقته‌دا سه‌در سه‌ركرده‌ى ره‌وت سه‌درى گرته‌سه ئامانج له گه‌ڕه‌كه‌يل باكوور پاريزگاگه‌وه هاتگه.
له‌ى باوه‌ته‌و، لوئه‌ى ياسرى پاريزگار نه‌جه‌ف له كۆنگره‌يگ هاوبه‌ش وه‌ل محه‌مه‌د ره‌زا حه‌يده‌رى سه‌رۆك ليژنه‌ى ئاسايش و وه‌رگرى وت: له ته‌ياره‌يگ بى ته‌ياره‌وان و ده‌سكرد ناوچه‌يى له يه‌كيگ له گه‌ڕه‌كه‌يل باكوور پاريزگاگه‌وه قازيفه‌يگ وه‌شرياگه ئه‌را بان ماڵه‌گه‌ى سه‌در.
حه‌يده‌رى وت: سه‌ركردايه‌تى ئاسمانى عراقى جه‌خت له‌وه كردگه ك هويچ ته‌ياره‌يگ ناته‌سه بان ئاسمان عراق و بۆردمانكردن ماڵه‌گه‌ى سه‌در ماناى ئه‌وه‌سه ئه‌و بۆردومانه له‌ناوخود وڵاته‌گه‌وه بويه.
