حكومه‌ت عراق بيس مليار دينار ئه‌را چاره‌سه‌ر لافاو ته‌رخانكرد
2015-09-15T09:27:36+00:00
ئه‌لخێكانى له به‌ياننامه‌يگ ك(شه‌فه‌ق نيوز)ئاگادارى بوى، وت: ئه‌نجومه‌ن وه‌زيره‌يل وه‌گووره‌ى بڕيار شماره 332 له دويا دانيشتنى رازى بويه له‌بان ته‌رخانكردن 20 مليار دينار ئه‌را چاره‌سه‌ر لافاوه‌يل له به‌غداو گشت پاريزگايه‌يل عراقى.
وه‌زير ناوبرياگ هه‌ميش وت: بايه‌سه له‌بان وزاره‌ت دارايى بڕ 16 مليار و 500 مليۆن دينار ته‌رخان بكا ئه‌را وزاره‌ت ئاوه‌دانى و نيشته‌جيكردن و شاره‌وانيه‌يل گشتى و 3 مليار و 500 مليۆن ديناريش ئه‌را ئه‌ميندارێتى به‌غدا له‌وه‌ر چاره‌سه‌ر لافاوه‌يل به‌غدا.
